Kendi i Reklamave

Google Nexus One

Google Nexus One është një prej modeleve më të fundit Android, ndoshta edhe më i miri dhe me të drejtë Google e quan “super celular” sepse është një shembull i asaj se çfarë mund të bëni me Android.

Google Nexus One është një prej modeleve më të fundit Android, ndoshta edhe më i miri dhe me të drejtë Google e quan “super celular” sepse është një shembull i asaj se çfarë mund të bëni me Android.

Në dyqanin e ri të Google online, ku mund të blini celularë Android, ju gjithashtu mund të bëni testime të drejtpërdrejta të celularëve përmes internetit, për të shikuar edhe më afër nivelin e eksperiencës. Për këtë ju duhet të posedoni një llogari në Google dhe një Google Checkout nëse dëshironi ta blini celularin.

Google Nexus One nuk ka nevojë për “jailbrake” pasi që mund t'i blihet pa asnjë shërbim për një çmim prej 530 dollarë.

Çka ka në të?
Ky celular ka një procesor të jashtëzakonshëm: 1 GHz Qualcomm Snapdragon (i njëjti procesor që gjendet tek HD2). Gjithashtu ka 512 MB RAM edh ROM. Pastaj ka një ekran AMOLED të ndjeshëm në prekje (capacitive touchscreen) me madhësi 3.7 inç dhe me një rezolucion prej 480 x 800 piksela. Kamera në të nuk është 2 apo 3, por është 5 megapiksel dhe gjithashtu përmban blic LED (kjo kamerë ka mundësi të incizojë edhe video në format MPEG-4 me mundësi të ngarkimit në YouTube përmes një klikimi, gjë që do të jetë jashtëzakonisht thjeshtë përmes Wi-Fi).

Trackball-i ka një LED me shumë ngjyra për paralajmërime të ndryshme dhe natyrisht Nexus One ka një kompas, GPS, GSM-Radio (AWS dhe euro rrjete 2100 Mhz), Stereo Bluetooth, port 3.5 mm për dëgjuese, dy mikrofona për “shuarje aktive të zhurmës”, sensor të ndriçimit dhe afërsisë, si dhe në bord ka gjithashtu një akselerometër. Në anën e memories qëndron një port për kartela microSD që mund të zgjerohet deri në 32GB (celulari ju ofrohet në pako me një kartelë 4GB). Ka një bateri 1400 mAh, e cila premton 5 orë punë në shfletim 3G dhe 7 orë punë në biseda 3G.

Dizajni i tij është bërë nga Google dhe HTC ndërsa vetë Nexus One funksionon përmes versionit të ri të Android, Android 2.1.