Kreu | Shendeti | Nje gjoks i bukur me ane te sportit

Nje gjoks i bukur me ane te sportit

Rimodeloni permasat Rimodeloni permasat

Vleresoje pjesen e kraherorit tend duke ndjekur keshillat e eksperteve. Me pak not bretkose, nje tavoline serfi dhe disa xhiro me biciklete mund ta rimodelosh ate, pikerisht ashtu sic deshiron. Ne qofte se ke vendosur te kujdesesh per gjoksin tend, provoje me keto sporte plazhi qe te propozojme, veprojne duke tonifikuar nga kerthiza e lart duke te dhuruar nje dekolte te bukur. Fillo ne mengjes kur sapo ke arritur ne det ose ne mes te pasdites kur rrezet e diellit nuk djegin shume.

R imodelo përmasat e tua. Vlerësoje pjesën e krahërorit tënd duke ndjekur këshillat e ekspertëve. Me pak not bretkose, një tavolinë sërfi dhe disa xhiro me biçikletë mund ta rimodelosh atë, pikërisht ashtu siç dëshiron.Në qoftë se ke vendosur të kujdesesh për gjoksin tënd, provoje me këto sporte plazhi që të propozojmë, veprojnë duke tonifikuar nga kërthiza e lart duke të dhuruar një dekolte të bukur. Fillo në mëngjes kur sapo ke arritur në det ose në mes të pasdites kur rrezet e diellit nuk djegin shumë. Ja gjithçka që duhet të bësh:Futu në ujë tërësisht dhe bëj not bretkose, por pa i përdorur këmbët, përkundrasi mundohu që ti mbash sa më lirshëm të mundesh dhe noto duke lëvizur vetëm krahët. Ky ushtrim vë në lëvizje krahërorin, shpatullat dhe muskulaturën e shpinës. Mjaftojnë pak minuta në ditë për të patur një bust pa dhjamëra. Një këshillë më shumë Në vend që ta mbani kokën gjithmonë jashtë ujit, zhyteni çdo 2-3 hapje krahësh, kështu do të evitoni lodhjen e tepërt të qafës. Procedo në këtë mënyrë për dhjetë minuta dhe pastaj noto për një çerek ore duke lëvizur dhe këmbët.Për të ridimensionuar rënien e gjoksit. Zbulo body board, ose siç quhet ndryshe një lloj i ri serfi. Aplikohet duke qëndruar shtrirë me barkun poshtë mbi një tavolinë serfi më të vogël se ajo klasikja. Nuk ka rëndësi nëse vala është e duhur apo jo; body board mund të bëhet dhe në qoftë se deti është shumë i qetë. Futu në ujë, shtrihu mbi tavolinë dhe noto duke lëvizur vetëm krahët. Mundohu që të krijosh sa më shumë hapësirë ndërmjet krahëve ndërkohë që këmbët qëndrojnë plotësisht të palëvizëshme dhe sa më të lirshme. Ushtroje këtë 15 minuta në mëngjes dhe po kaq dhe pasdite. Është ushtrimi i duhur për të forcuar muskujt e gjoksit.Për tonifikimin e muskujve.

Zgjidhja e duhur për këtë është një biçikletë të cilën duhet të mundohesh që ta zgjedhësh të përshtatshme për ndryshimet e terrenit në mënyrë që ta përdorësh në breg të detit, në rast të kundërt mund ta përdorësh dhe në rrugë të shtruara. Pedalo duke i vendosur këmbët mbi pedale dhe duke e kaluar të tërë peshën e trupit mbi krahët të cilët duhet të jenë mbështetur mirë në timonin e biçikletës. Pedalo me qetësi në mënyrë që të ruash ekuilibrin dhe të mos rrezikosh rënien. Duke pedaluar jo vetëm që tret kalori nga mesi e poshtë, por muskujt e gjoksit janë mjaft aktivë duke u tonifikuar më shpejt se sa ti e ke menduar. Dedikoji rreth 10 minuta këtij aktiviteti pasdite vonë kur dielli nuk është i fortë dhe plazhi është më pak i mbushur. Në qoftë se dëshiron të kesh një gjoks të bukur, për ta demostruar me një bluzë të hapur, një T-shirt sportive ose një fustani shumë elegant mbrëmjeje, apliko këto dy ushtrime të thjeshta.

Ngritje anësore
Si realizohet
Merrni një peshë rreth një kilogram dhe mbajeni në dorën e majtë. Këmbët mbajini të hapura në gjërësinë e shpatullave ndërsa dorën e djathtë pak të përthyer para së majtës që është e drejtuar prapa. Dora e djathtë mbi këmbën e djathëtë dhe krahu i majtë i zgjatur poshtë.

Për fillestarët
Kur e lëvizni krahun e majtë sigurohuni që ti mbani shpatullat paralel me vendin ku po qëndroni, për të izoluar dhe vënë në funksionim muskulin deltoid, që modelon shpatullat.Për të njejtën arsye gjatë stërvitjes i afroni shpatullat mes tyre. Gjithashtu sigurohuni që shpina të mos jetë e harkuar, që qafa të jetë e zgjatur mirë përpara dhe mjekrra të jetë paksa e nxjerrë jashtë. Duke nxjerrë frymën, e lëvizni krahun e majtë nga jashtë deri në lartësinë e shpatullave, ndërsa duke marrë frymë bëni të kundërtën e kësaj lëvizjeje. Përsëritni të njëjtën gjë dhe me krahun tjetër.

Për ata që janë në formë
Në qoftë se dëshironi ta bëni ushtrimin më të lodhshëm pra dhe rezultatin më të dukshëm dhe të shpejtë, përdorni për tu stërvitur një peshë 2 ose 3 kilogramë. Kur të ndjeheni më në formë përdorni dy pesha që duhet të mbahen në të dyja duart të cilat duhet të lëvizen njëkohësisht. Për të evituar harkimin e shpinës shtrëngoni muskujt e barkut: mos e mbani frymën.

Stretching
Pasi i keni vënë në punë, çlirojini në këtë mënyrë muskujt e shpatullave: në këmbë (në qoftë se dëshironi mund të uleni dhe në një karrike) kryqëzojini krahët para gjoksit dhe vendosini duart mbi shpatulla. Merrni frymë thellë dhe nxirreni jashtë ajrin nga goja duke i shtyrë shpatullat pas ndërkohë që zgjasni qafën lart. Qëndroni kështu për 30 sekonda. Shlodhuni. Përsëriteni stretching.

Përkulje të lehtësuara
Si realizohet
Qëndroni në gjunjë me këmbët e bashkuara dhe vendosini pëllëmbët e duarve në tokë. Krahët mbajini lirshëm dhe të hapura pak më shumë se sa gjerësia e shpatullave.Vështrimi të jetë i drejtuar nga poshtë dhe drejtimi i qafës të jetë në vijë të drejtë me drejtimin e shpinës. Majat e këmbëve të jenë të mbështetura në terren.

Për fillestarët
Do të vini re që keni tendencë të harkoni shpinën.
Për ta evituar shtrëngoni muskujt e barkut dhe muskujt e vitheve. Që ushtrimi të jetë më pak i lodhshëm, herët e para i mbani këmbët pak hapur, një truk që do tju ndihmojë të ruani ekuilibrin.Duke marrë frymë përkuleni lehtë krahun deri sa të formoni një kënd prej 90 gradësh. Nxirreni frymën duke e çuar përsëri krahun në vend

Për ata që janë në formë
Niseni me gjunjët e lirëshëm duke i ngritur nga terreni. Muskujt e barkut dhe të vitheve mbajini pak të kontraktuar, për ta mbajtur kështu në mënyrë perfekte një vijë të drejtë të krijuar mes qafës dhe shpinës.Në qoftë se dëshironi ta bëni më të dukshëm rezultatin mbi tricipitin, pra muskulin anësor të krahëve, mbajini mirë bërrylat në krah të bustit.

Stretching
I bëni më elastikë muskujt e gjoksit. Të ngritur, me këmbë pak të hapura, ngrijeni krahun e majtë nga jashtë në lartësinë e shpatullave me pëllëmbën e dorës të kthyer nga përpara. Duke e nxjerrë frymën shtyjeni me kujdes krahun nga prapa deri kur të ndjeni një tension të vogël përgjatë krahut dhe gjoksit. Qëndroni kështu për 20 sekonda.Përsëriteni nga e djathta.

Muskujt që punojnë
Dy ushtrime të thjeshta dhe efikase që e venë në lëvizje muskulin tricipit dhe muskulin e vogël e të madh të gjoksit.
I pari shërben për të forcuar krahët ndërsa dy të tjerët shërbejnë për të ngritur bustin nga vendi ku jemi.
Detyra e deltoide Ti japë stabilitetin e duhur shpatullave.

Tabela e stërvitjes

Nxehja
Nje ecje e shpejtë, një vrapim i lehtë edhe duke qëndruar në vend ose pak biçikletë: ja aktivitetet e nevojshme për të nxehur zemrën dhe muskujt. Bëjëni për dhjetë minuta rreshtë dhe pastaj aplikoni stretching.

Sa herë
Filloni me dy stërvitje në javë. Kur të ndjeheni më në formë shtojeni në tre dhe pastaj në katër stërvitje në javë.

Për fillestarët
Zhvillojeni lëvizjen 10 herë. Kur të arrini që ti kryeni përsëritjet pa mundim, kaloni në dymbëdhjetë herë.

Për ata që janë në formë
Ushtroni dy seri nga 10-12 përsëritje të lëvizjes. Kur të keni arritur një formë të mirë kaloni në 2 seri nga 12-15 përsëritje të lëvizjes.

Cfare mendimi keni per kete artikull, ju pelqen apo jo?

Subscribe to comments feed Komente: 1 postime

avatar
djellza 13/09/2010 13:47:33
pershendetje une jam nje nen e nje femije femijen nuk e kam ushqyer me gji por para se te isha shtatzen i kam pasur te vogla e ne shtatzani me jan rritur shum tani me jan vogualr pak edhe me jan leshuar a mundem me keto ushtrime qe jan te shenuara me leart ti forcoj a po me rekomandoi ndoje ushtrim tjeter apo ndoje krem,do te doja te me kthenit nje pergjigje ju pres.JENI ME TE MIRET
Po ju?! Thumbs Up Thumbs Down
-1
totali: 1 | duke treguar: 1 - 1

Ju duhet te identifikoheni per te postuar komente!


Rrjete Sociale

Google+

Facebook
Kendi i Reklamave
Fjalekyce
Vleresoni kete artikull
5.00
Publikoni artikullin
Kendi i Reklamave