Funde me pantallona, corape malesorce, gezofe dhe pupla, gjithe tendencat e reja te sezonit

Belina Budini
TIRANE - Ndersa stilistet shqiptare jane tani ne kulmin e punes per krijimin e veshjeve te kesaj fundstine dhe pergatiten per dimrin, me te medhenjte e stilisteve te botes i kane mbaruar sfilatat vjeshte-dimer 2002-2003. Kush rreket te jete pararoje ne ndjekjen e modes me te fundit, duke rrezikuar shpesh te shnderrohet ne "fashion-victime", i ka gati tanime modelet qe mund te ndjeke per veshjet e vjeshtes e te dimrit. Po cfare ofrojne stilistet e Alta Modes kete sezon veshjesh? Cilat jane materialet, ngjyrat dhe prerjet e preferuara te dimrit. Nje gje duket hapur, mjaft te ndjekesh sfilatat e tyre ne ekranin "Fashion TV" per te kuptuar se prerjet asimetrike, stolite ekstravagante qe nga vareset e gjithfareshme e deri tek puplat, minifundet, por edhe mantelet e gjata, fundet me pantallona, por edhe fustanet e mbremjes mbi to, cizmet alla "Pretty Women", por edhe corapet e leshta tip malesorce, kapelet me pellush, por edhe ato strehesuper te gjera, gjithcka e propozuar krijon nje mish-mash te vertete, nje pafundesi zgjedhjesh dhe variacionin aq shume te kerkuar.

Sfilata, Emanuel Ungaro
Per sezonin vjeshte-dimer 2002-2003, Emanuel Ungaro nuk demonstron kurrfare prirjeje ortodokse, as ne pelhurat e zgjedhura, as ne stampat e veshjeve. Kredoja e tij e re jane format e vena mire ne pah nepermjet qendismave te pakursyera. Klientet qe duan te vishen sipas stilit te Ungaros, duhet te organizojne vec mbremje gala ne tropiket, sepse per t'u ngrohur kane vetem disa pelice ekstravagante. Emanuel Ungaro e percepton ne fakt dimrin te ngrohte me minifunde e pelice mendafshi, museline ose me dantella mbi kofshe. Me nje fjale frymezimi i tij eshte etniko-shik, frymezime keto te ardhura nga Lindja dhe Arabia per te theksuar ndjesine e grumbullimit te efekteve.

Jean-Paul Gaultier
Sezon pas sezoni, Jean-Paul Gaultier perforcon idene: Alta Moda ka te ardhme te shkelqyer dhe ai eshte nje nder me te shkelqyerit perfaqesues te saj. Ai vijon t'i jape kesaj mode karakterin e fisnikerise se kohes. Pa rene ne kurthin e qepjes per spektakel, ai di t'u jape permasat e duhura te ekstravagances e te shkelqimit veshjeve, gjithnje duke respektuar frymen e Alta Modes, venien e gruas ne pah. Gjithcka e ben ne nje stil te paimitueshem; nje pamje e re, shik. Per dimrin Gaultier propozon per meshkuj e per femra kemisha bezhe te qendisura, me kraharorin jashte dhe pantallona te gjera me viza. Interesante paraqiten ne kete koleksion xhaketat e qendisura me pende. Duket se kete dimer puplat do te rikthehen ne mode, pas nje menjanimi te tyre nga veshjet prej dy vjetesh. Pelicet gjithashtu do te jene shume ne mode. Pararoja e modes neper bote do te mund te mbaje pelice te renda, stolisur me pupla sipas stilit Gaultier. I njejti stilist propozon edhe pelice prej kadifeje, sigurisht me model "qafe-laraske", me dekolte te thelle.

Sfilata, Valentino
Me simbolin e gjarprit ne sfond, Valentino ne kete koleksion vjeshte-dimer eshte me elektrik se kurre. Stilisti i rikthehet guximit me origjine ekzotike. Ai i magjinon nje grua gllaberuese me nje te ecur te rende, te sigurt, qe i dominon meshkujt qe nga takat e saj te larta prej lekure krokodili, e mbushur me byrzylyke si gjarperinj. Fustane mendafshi, te qendisura ne forme gjetheje, heroina e Valentinos del ne skene, elektrizuese. Kete here Valentino eshte frymezuar edhe nga veshjet gjithe lulka te babushkave te dikurshme ruse. Nje larmi lulesh sjell ai ne pelhura mendafshi, kashmiri e museline. Mjeshtri nuk e harron as ngjyren e vet te preferuar, te kuqen qe mbylli sfilaten me tre fustane te mrekullueshme mbremjeje.

Givenchy
"Let's have some fun" ! Mesazhi eshte i qarte dhe sqaron situaten per Givenchy, mjeshtrin tjeter te Alta Modes, pas endjeve poetike te tij sezonin e shkuar. Ai sjell ne mode fustanet shume te shkurter asimetrike, as tamam te qepur, as te shqyer, hollesisht ekstravagante. Por ai rikthen ne sfilaten e vet edhe atletet e veshjet sportive alla angleze. Pelicet megjithate jane pika e forte e sfilates se tij me te fundit vjeshte-dimer 2002-2003. Per klientet, eshte pak veshtire te zgjedhin nje veshje, por misioni i Givenchy-t eshte i arrire, shikimi i nje sfilate te tille te jep kenaqesi, kjo duket.

Versace
Me nje koleksion te titulluar "Rockoco", Donatela Versace percjell idene e ekstravagances qe ka ne koke, sidomos per sfilaten vjeshte-dimer 2002-2003. Rrobat i kufizon me korse dhe rripa te holle sutjenash, ka edhe dantella, edhe qendisma, por me ngjyra metalike. Padyshim nje mode ultra-sexy. Por eshte e kote te kerkosh aty veshje dite: Donatela kufizohet tek Alta Moda per t'i dhene hapesire te lire gjithe kenaqesive te saj estetike, sado ireale qofshin ato. Pervecse per foto mode e premiera kinemash, klientela pritet te jete e pakte. Por pak rendesi ka kjo. Gjithcka eshte krijuar per te kaluar si nje enderr, nje lloj fantazme, per me teper. Palltot jane pika e forte e Donateles, te bardha me jaka te qendisura, aq te ngjitura pas qafes, sa nuk lejon asgje tjeter per t'u veshur nen te. Ajo propozon si aksesor edhe kapelet per fustane te shkurtra ose pelicet. Qendismat jane trulluese, marramendese, si prej nje bote tjeter. Ky eshte komenti qe bejne fill pas sfilates spektatoret e shfaqjes.

Christian Lacroix
Gra, me sy te lyer si per ballo me maska, krijesa te cuditshme qe ne vend te flokeve kane pupla, disa veshur me fustane te kuq "camcakez", te tjerat humbasin ne ca mantele super te gjere. Mbi gjithcka eshte derdhur ar sikur te binte nga qielli. Veshje per vepra arti ne pesedhjetevjetorin e Christian Lacroix, stilist francez. Frymezimin Lacroix e ka marre nga Amerika e Jugut, por ne universin e stilistit linja qe ndan veshjet e mbremjes nga ato teatralet eshte gati e padukshme. Lojera simetrie ka edhe ne sfilaten e tij. Fundi-pantallon eshte gjithashtu i pelqyer per femren Lacroix. Keshtu, nen nje veshje mbremjeje mund te mbash edhe pantallona roze. "Kam kerkuar te bashkoj gjithe ato gjera qe dua", - eshte shprehur stilisti.

Christian Dior
John Galliano, drejtori i shtepise se modes, Christian Dior, ngulmon te paraqese nje grua-luftetare greko-romake. E nis me nje seri veshjesh shume te shkurtra, te pambukta, stolisur me ar, ndersa ne krye vajzat e tij mbajne kokore te stermedha. Vijon mandej me xhuba lekure e kashmiri dhe me funde stil meksikan. Festa vazhdon me veshjet shifon dhe bluxhinset e grisura, stolisur me perla. Cantat mund te jene te vogla, por edhe canta-samar. Egershanat e verteta mund te mbajne edhe pelice, edhe corape te gjata, te leshta. Ndersa ne mbremje triumfon look-u nudo, me veshje te zeza supertransparente. Rezultati eshte nje mish-mash, nje perzierje veshjet, te ashtuquajtura globaliste-antiglobaliste, qe deshmojne per nje mode alegro.