Sejfulla Myftari, nuk është shfaqur gjëkundi në programet televizive të netëve të fundit të vitit. Ka preferuar t’u mungojë ardhuruesve të tij për t’u shfaqur së shpejti në telekomedinë e re “ Pesha e gruas time’, me regji të Arjan Çuliqit. E ndërsa këto ditë po merret me xhirimet e fundit të telekomedisë , Cekja tregon arsyet e kësaj mungese të gjatë në ekran dhe ca të vërteta si me humor përtej jetës së tij artistike.

Cila është arsyeja që ju i munguat ekraneve të televizionit gjatë netëve të Vitit të Ri?
Jo se mungova, por kam punuar për veten ku për herë të parë arrita të marr atë që doja. Dhe, të themi, që ia vlen se i gjithë humori i karrierës së jetës sime ka qënë pothuajse pa pagesë. Por gjatë Vitit të Ri nuk munda të shfaqesha në ekran sepse po merresha me xhirimet e filmit “Pesha e gruas sime” me regji të Arjan Çuliqit.

Kohët e fundit ju shohim që i jeni përkushtuar reklamave. Mos do të thotë që ju e gjeni veten këtu?!
Arsyeja kryesore mbetet paraja. Sepse një reklamë paguhet sa për pesëmbëdhjetë filma.
Thonë se jeni një nga njerëzit më të pasur të artit.
(qesh) Pak a shumë.
Si e arritët?
Harruat që ka edhe punë të pista si puna e policisë që të kap, të lëshon, të kap, të lëshon.

Çfarë urreni dhe çfarë pëlqeni tek vetja juaj?
Pëlqej bukurinë time dhe urrej flokët e mi. I pafsha të gjithë qerozë si unë.
Ju keni më tepër sukses tani apo kur ishit me flokë?
Po, tani. Plasa nga propozimet, sa filloj e zgjedh plasin sherret me gruan time.
Ç’është dashuria për ju?
Plaçkë tregu. Sot e ke nesër s’e ke.
Sa ndikon familja në karrierën tuaj artistike?
Të them të drejtën nuk ndikon aspak as në anët pozitive dhe as në anët negative, sepse unë jam i lirë.

Ndonjë nga fëmijët tuaj do t’ju ndjekë në profesion?
Fatkeqësisht jo! Të paktën deri tani. Dhe për këtë, në një farë mënyre, më vjen keq.
E keni tradhtuar ndonjëherë gruan tuaj?
Shpesh herë! ( në skenë). Për mua familja është e shenjtë dhe jeta private mbetet si vetë emërtimi që ka.
Keni patur probleme me gruan pas shfaqjes së emisionit “personazhe në kurth”, ku ishit nën tundimin e një vajze?
Absolutisht jo! Gruaja ime ka dhënë provat dhe i ka kaluar tashmë provat e xhelozisë.
Kur keni gënjyer për herë të parë?
Nuk mund ta kujtoj me saktësi por ai mashkull që nuk gënjen nuk quhet burrë.
Cila është pika juaj e dobët?
Sigurisht sinqeriteti im. Mos qeshni me mua. Është e vërtetë.
Ku ju pëlqen t’ju puthin më tepër?
Cekja: në tullë se më është bërë fiksim, më sjell fat. Tulla ime është si gunga e Rigoletos.
Kë ndërron më shpesh, partitë apo gratë?
Sigurisht partitë se po të them ndryshe, më gjeti belaja me gruan pasi e adhuron revistën dhe …. Merreni me mend ç’ mund të më ndodhë…
Besoj se nuk e keni sekret partinë tuaj?
Jo, jo ! Unë jam me partinë e leshit. Se na ranë leshrat për këtë popull.

Me hedhje votash kryetar jeni ju apo ndokush tjetër?
Sa herë e keni përdorur fjalën të dua?
Them se, gjatë gjithë karrierës sime e kam përdorur 1111 herë.
Më duket pak si tepër, por nuk e kisha fjalën për skenën. Ju pyes për jetën private?
Të jem i sinqertë, s’më kujtohet por maksimumi dy herë.
Thuhet se keni patur lidhje me një nga mis-et shqiptare. Sa është e vërtetë?
Cekja: ( merr një pozicion gjysmë qesharak dhe gjysmë serioz). Po kjo është e vërtetë dhe …
Përse shoqëroheni gjithmonë me femra të bukura, si në jetën e përditshme ashtu dhe në filma.
Sepse më duket sikur marr nga bukuria e tyre.
Njerëzit kanë një pikë referimi, a ekziston kjo për ju?
Të them të drejtën jo. Më pëlqen të jem ky që jam. Mundohem të jem vetvetja, asgjë më tepër.
Mos do të thotë kjo që ju jeni më i miri?
Absolutisht jo. Çdo artist ka një bukuri të tij origjinale dhe të veçantë që e bën të admirueshëm.
Ku qëndron bukuria juaj?
Tek thjeshtësia që ju prek çdo ditë.
Kthehemi përsëri tek familja juaj. Cili nga fëmijët keni pikë të dobët?
Anjezën. Se më ngjan mua, përveçse unë jam mashkull. Mund të ishte një artiste e mirë, por u martua që e vogël dhe nuk arriti që të bëhej një artiste e madhe.
Shumë artistë kanë ikur jashtë, juve nuk ju është dhënë një mundësi e tillë apo…
Jo, jo unë shkoj e vij, shkoj e vij. 100 herë shkoj, dhe 100 herë kthehem sepse këtu fitoj më tepër.
Vazhdoni të jetoni në Berat. Pse nuk vini në Tiranë, si shumë artistë të tjerë?
Për momentin i qëndroj besnik një premtimi që i kam dhënë publikut beratas. Kam një shtëpi në Pogradec, një në Sarandë, pse të mos e kem edhe në Tiranë.
Aktualisht me se merreni?
Vetëm me telekomedinë e Arjan Çuliçit.
Mund të na thoni një frazë?
Patjetër. “Burri juaj Sidora, do të fitojë punë, por kjo varet nga sjellja jote. Sa më afër meje të jesh ti, aq më afër dikasterit do të jetë burri i juaj.”
Plane të tjera?
Së shpejti do të gjeni kasetat e mia në treg me bashkëpunime me aktore të njohura të skenës shqiptare.
Jeni egant. Mund të na jepni një recetë që ta kenë parasysh meshkujt e shëndoshë.
1 gjethe mëllage. 2. bishta trëndafili. 3. gjëmbashë gomari. Hedh në një kavanoz me ½ litra ujë. I zien dhe i pi herët në mëngjes, kur hëna është përgjysmë dhe pa dhjerë qentë. Kura është për të ruajtur peshën ose për t’u bërë elegant. Nga Zeqo Pilafi.
Koha juaj e lirë?
Më mbetet shumë pak dhe atë e kaloj me familjen madje rri dhe natën vonë.
Pse?
Jetë nate. Hajt ta provojmë si të huajt, por… pssss.