Donald Trump ka lindur më 14 qershor të vitit 1946 në Nju-Jork. I takonte gjeneratës së tretë të një familjeje biznesmenësh. Babai i tij, Fred Trump, u detyrua të mbështeste ekonomikisht familjen e tij për shkak të vdekjes së hershme të të atit.

Si rrjedhim, Fredi nisi të zhvillonte aktivitetin e tij me mjaft sukses dhe Donaldi, mjaft i ri, arriti të përfitonte mjaft “hile” të biznesit amerikan të asaj kohe. Pasi plotëson edukimin e tij në një akademi ushtarake, Donald Trump kryen studimet për financë në Universitetin e Pensilvanisë “Wharton School”. Me një sy të mprehtë për biznes dhe një përvoje të akumuluar në krah të të atit, Donaldi e dinte se çfarë do të arrinte të bënte në jetë: gjëra të mëdha.

Por duke e kuptuar që këto gjëra nuk mund t'i arrinte aty ku ishte vendosur, ai mbledh plaçkat dhe zhvendoset në Manhatan. Llogaria e tij bankare dhe të ardhurat ishin për të qarë, sidomos në krahasim me pasurinë që ka sot, por gjithsesi kjo nuk e ndaloi të bëhej anëtar i një klubi shumë të rëndësishëm në Nju-Jork.

Ai nuk e përdori anëtarësimin në këtë klub për të luajtur golf apo për të marrë pjesë në mbrëmje të këndshme në jahtet e më të pasurve, por për të vendosur kontakte të rëndësishme për biznesin e tij. Aftësitë e tij tejet të zhvilluara për të negociuar dhe zgjuarësia i dhanë mundësinë për të përfituar nga mundësitë që iu dhanë.

Donald Trump e shndërroi veten e tij në një nga njerëzit më të fuqishëm të viteve '80 me ndërtimin e godinave më të njohura në Nju-Jork, si Kulla Trump në “5 th Av.”, Parkun Trump, Plaza Hotel etj. Ai gjithashtu penetroi në biznesin e kazinove në Atlantik City dhe Nju-Xhersi dhe transport me “Trump Shutlle Airline”. Donald Trump njihet si një nga biznemenët më të ndjekur për shkak edhe të angazhimeve të tij publicitare dhe televizive. Ai gjithashtu ka qenë edhe producent i shumë spektakleve televizive amerikane, si Miss SHBA, Miss Universi. Ndërkohë nuk ka munguar edhe në shumë filma dhe serialë televizivë si ”Spin City”, ”Fresh Prince of Bel Air” dhe në filmat ”Home Alone 2”, ”Lost in Nju-Jork” dhe ”Celebrity and 54”.

Donald Trump nuk mund të rrinte pa u shfaqur edhe në politikë. Në vitin 2000 deklaroi se do të kandidonte për president. Por për fat të keq, ai nuk mund ta bënte këtë për shkak se nuk mund të shtrëngonte duart e të tjerëve, pasi është gërmofobist dhe është tepër i ndershëm.

Një nga gjërat për të cilat ai përmendet si i suksesshëm është edhe “Reality show” në stacionin NBC, ku 16 njerëz “luftonin” për një post të rëndësishëm në Korporatën “Trump”.

Nëse 128 dhoma duken pak
Donald Trump, mbreti i ndërtimeve në Nju-Jork, hap dyert e rezidencës së tij në Palm Beach me shtretër shumë të shtrenjtë, tapiceri veneciane të shekullit XVI dhe fushë golfi, të cilën e ka shndërruar në një klub ekskluziv. Dhe pas dy divorcesh që i kanë kushtuar miliona dollarë, tani është gati t'i thotë “po” Melanisë së tij. “Mund të martohemi vitin tjetër,” thotë ai. Palm Beach (SHBA). Donald Trump, 58 vjeç me vajzën e tij, Ivankën, 22 vjeç, fëmijë i lindur nga martesa me ish-gruan e tij, Ivanën. Sipër, rezidenca e tij Mar-a-Lago dhe në të majtë në parkun e pronës.

Kopshti i Edenit
Palm Beach. Donald Trump me të fejuarën e tij, Melania Knaus, 33 vjeç. Sipër një pjesë e Mar-a-Lagos.

Festa ekskluzive
Lojëra golfi, tenisi dhe dreka për 250 të ftuar.
Palm Beach. Donald Trump ulur në një statujë interesante në formë shpendi. Në të majtë, një sallon i rezidencës dhe poshtë kënd për një darkë romantike për dy veta.

TRUMP PA 25 VJET
IVANA PA 18

Nëse Donald Trump ka zgjedhur një partnere 25 vjet më të re, ish-gruaja e tij, Ivana, 53 vjeç, nuk ka mbetur më prapa: ajo shfaqet me shoqëruesin e saj, Rosano Rubikondi, 35 vjeç.

Palm Beach. Melani Knaus, ish-modele. Në të majtë, njëra nga dhomat e gjumit në Mar-a-Lago. Sipër një dhomë e inspirimit moresk me oxhak.

Donald Trump. Vetëm emri të jep menjëherë përshtypjen e pasurisë, luksit dhe të madhështisë si Kulla Trump, një ndër grataçielat më të bukura në Manhatan. Si të jesh një miliarder si ai? E thjeshtë (por vetëm me fjalë): “Unë punoj shumë dhe luaj ashpër,” thotë magnati i pasurive të patundshme, vetëm 58 vjeç dhe që zotëron një pasuri prej 2 miliardë e gjysmë dollarësh (sipas revistës amerikane “Forbes”). Për herë të parë shohim pamje ekskluzive të Mar-a-Lagos, pronë e mrekullueshme e tij në Palm Beach, Florida. Bëhet fjalë për një pallat mbretëror të stilit hispaniko-moresk të vitit 1927, i shtrirë në një hapësirë me më shumë se 7 hektarë, që Trump e bleu në vitin 1985 në të cilin solli më pas antike të mrekullueshme. 128 dhoma, mobilim luksoz, shtretër të larë në flori, tapiceri veneciane të shekullit 16, tamam sikur bëhet fjalë për kështjellën e ndonjë sovrani. Në Amerikë ekziston një shprehje: “Çdo burrë është mbret në shtëpinë e tij”. Në pallat, mbreti i ndërtimit dhe e fejuara e tij, Melania Knaus, sllovene, ish-modele, shpesh organizojnë dreka dhe me 250 të ftuar. “Nuk më pëlqen të rri vetëm,” thotë ai, i cili në rezidencën e tij ka edhe 12 vila të vogla, dy pishina, fusha tenisi në çimento dhe bar, një qendër relaksuese dhe një fushë golfi (Trump është një golfist i shkëlqyer).

I biri i Fred Trumpit, ndërtues njujorkez, në vitet '80 Donald blinte ndërtesa të vjetra në Nju-Jork dhe i transformonte në mrekulli dhe në një kohë të shkurtër ndërtoi lehtësisht një perandori grataçielash, pallatesh dhe kazinosh. Në botë ka shumë miliarderë më të pasur se ai, por Trump është pa dyshim një nga më të njohurit dhe më të përfolurit. Ai gjithmonë dëshiron të shfaqet në televizone dhe këtë vit gjetja më e fundit e tij ishte të qenit protagonist në “Reality show” të organizuar nga NBC, “The apprentice”, ku një grup konkurrentësh në 15 javë në Kullën Trump duhej të arrinin të përfitonin një sërë favoresh. Ndër këta, Bill Rankic, shërbëtorit më të mirë, iu dha një çmim nga miliarderi me një punë të vërtetë me një pagë prej 250 mijë dollarësh në vit. Përjashtimet e lojës? Kanë marrë poshtërimin e pushimit nga puna me një shprehje: “You're fired” (je i pushuar). Televizon, por edhe gra të bukura. Trump ka pasur gjatë gjithë kohës në krah bukuri, për të cilat ka shpenzuar një pasuri të tërë. Divorci me gruan e parë, Ivana Zelniçek (martuar më 1977-tën, ku patën tre fëmijë , Donald Jr. 26 vjeç, Ivanka 22 vjeç dhe Erikun 20 vjeç) i ka kushtuar 30 milionë dollarë. Me gruan e dytë, martuar në ‘93-shin, Marla Maples (me të cilën pati vajzën Tifani, 10 vjeç), i shkoi më mirë dhe për divorcin pagoi “vetëm” 2 milionë dollarë. Por të shkuara të harruara dhe tani e fejuara aktuale, Melani, thotë: “Dua të kem familje një ditë. Donaldi është një baba i jashtëzakonshëm. E treta e vërteta? “Mund të martohemi në Mar-a-Lago vitin tjetër,” thotë Trump, i cili i ka dhuruar asaj një diamant 12-karatësh. Si një premtim për martesë ju duket pak?